A situación en Catalunya é dunha gravidade extrema. Para abordar as claves desta situación e amosar a nosa solidariedade reunímonos no Parlamento Europeo con Diana Riba (compañeira de Raül Romeva), Blanca Bragulat (compañeira de Jordi Turull), Susana Barreda (compañeira de Jordi Sánchez), Laura Masvidal (compañeira de Joaquim Forn), Montserrat Puigdemont (irmá de Carles Puigdemont), Elisabet Comín (irmá de Toni Comín) e Pol Leiva (sobriño de Jordi Cuixart). Dende a Plataforma de Diálogo UE-Catalunya buscaremos todos os xeitos posíbeis para esixir que a UE poña fin ao silencio que a está a facer cómprice da vulneración de dereitos que está a perpetrar o Estado español. O dereito a decidir non pode ser criminalizado. Pola liberdade dos presos e presas cataláns e a volta dos exiliados e exiliadas. Urxe que a UE actúe en defensa dos Dereitos Humanos no Estado español.
