- AGEe rexistrou hoxe unha pregunta dirixida á Comisión Europea en relación ás declaracións do presidente da CNMC
- Salienta que defender unha “venta a perdas” por parte dos produtores/as é contraria aos propios obxectivos de estabilidade da UE
Bruxelas, 24 Setembro 2015. A eurodeputada de Alternativa Galega de Esquerda en Europa, Lídia Senra, rexistrou na mañá de hoxe unha pregunta parlamentaria[1] dirixida á Comisión Europea denunciando as declaracións realizadas esta semana polo Presidente da Comisión Nacional dos Mercados e a Competencia (CNMC) -organismo dependente do Ministerio de Facenda- nas que afirma considerar “pouco razoabel” prohibir ou criticar de forma xeneralizada a venda a perdas, plantexando incluso como positivo a insostenibilidade económica das explotacións gandeiras porque, dende o seu punto de vista, pode conlevar “vantaxes” para os consumidores/as[2].
Dende Alternativa Galega de Esquerda en Europa (AGEe) denunciamos diante da Comisión Europea esta prepotente visibilización da asimetría de forzas na cadea de produción e distribución do sector leiteiro. Un abuso de poder que para Lídia Senra “é evidente”, xa que a propia Comisión Europea e o Parlamento Europeo declaran traballar para “facer fronte ás prácticas comerciáis desleais na cadea de suministro alimentario entre empresas”.
Aliás, argumenta a eurodeputada galega na súa pregunta, tendo en conta que os orzamentos comunitarios para o ano 2016 contemplan fondos para apoiar novas organizacións de produtores/as para, segundo di a propia UE, abordar a disparidade do poder negociaciador entre a parte agricultora e as outras partes da cadea, “acaso non é unha vulneración permitir que o elo máis forte da cadea impoña a venda a perdas aos/ás productores/as de alimentos?”
Lidia Senra tamén interpelou directamente á Comisión para que aclare se promover a “venda a perdas”, como fixo esta semana o presidente da CNMC, constitúe unha práctica desleal fronte a aquelas empresas que actúan correctamente.
Por último, AGEe esixiu tamen saber que medidas vai tomar a Comisión con respecto a posicións que amparan o abuso de poder, como a mantida pola CNMC esta semana ao respeito da crise de prezos no sector leiteiro.
[1]Adxuntamos pregunta parlamentaria
[2] Declaracións realizadas no marco dun informe sobre o Código de boas prácticas da cadea alimentaria elaborado polo Goberno español.
