Na rolda de prensa celebrada na mañá de hoxe no Parlamento Europeo en Bruxelas, unha delegación de sete eurodeputadas/os de diferentes grupos anunciaron o desprazamento dunha delegación parlamentaria ao País Vasco no mes de febreiro, a fin de comprobar as consecuencias da política penitenciaira realizada por Estados español e francés, ao respecto dos dereitos humanos dos presos e presas vascas e os seus familiares. Esta delegación formada por deputados e deputadas de tres grupos parlamentarios (GUE / NGL, Verdes / ALE e ECR), ten previsto reunirse en cinco capitais vascas con representantes de institucións e partidos políticos, asociacións de dereitos humanos, familiares de presas/os, sindicatos e avogados. Cómpre subliñar que están xa fixadas tamén reunións co Parlamento do País Vasco e Navarra.
Estas/es son as eurodeputadas/os que formarán parte da delegación:
| Name | Group | Country |
| Gabi ZIMMER | Chair of Confederal Group of the European United Left – Nordic Green Left (GUE/NGL) group
Die Linke |
Alemania |
| Josep-Maria TERRICABRAS | Vice-Chair of Group of the Greens/European Free Alliance (Greens/EFA) group
ERC |
Catalunya |
| Malin BJÖRK | Vice-chair of Confederal Group of the European United Left – Nordic Green Left (GUE/NGL) group – Vänsterpartiet | Suecia |
| Martina ANDERSON | Chair of Delegation for relations with Palestine,
Sinn Féin – GUE/NGL |
Irlanda |
| Lidia SENRA | Alternativa galega de esquerda en Europa – GUE/NGL | Galiza |
| Tatjana ŽDANOKA | Latvijas Krievu Savienība / Русский Союз Латвии (Greens/EFA) | Letonia |
| Mark DEMESMAEKER | Coordinator of European Conservatives and Reformists Group (ECR) group at the Subcommittee on Human Rights
Nieuw-Vlaamse Alliantie |
Flanders |
Na rolda de prensa desta mañá, que contou ca participación de Gabi Zimmer, Josep-Maria Terricabras, Lidia Senra, Mark Demesmaeker e Lynn Boylan (representando a Martina Anderson), a presidenta do GUE / NGL observou que a iniciativa destes sete eurodeputados xurdiu a partir de información recollida tras a visita feita por Etxerat no Parlamento Europeo en marzo de 2015, que o informe resultante desa misión será pública. “Iremos para tratar de comprobar se as acusacións de que os dereitos humanos dos presos/as e as súas familias son violados son certas e, no seu caso, para ver como podemos axudar dende o Parlamento Europeo para superar ou mellorar a situación”, indicou Gabi Zimmer. A eurodeputada do Die Linke mencionou que o obxectivo desta delegación será a concentrarse, polo menos, en tres cuestións: a política de dispersión, a situación dos presos/as gravemente enfermos e a aplicación da Decisión Marco 2008/675 /JHA sobre procesos penais no Estado español, tendo en conta as condenas nos Estados membros no decurso de novos procesos penais.
“Queremos observar e analizar os dereitos humanos destas persoas. Quixera lembrar, por exemplo, que tanto a lei española como a lexislación europea sinala que os presos/as deben cumprir a pena nunha prisión preto dos seus lugares de orixe. Sorprendenos moi saber que iso non aconteza “, dixo Josep-Maria Terricabras.
Mark Demesmaeker destacou que “o Parlamento Europeo ten o deber de analizar os dereitos humanos e iso é esencial para esta delegación. Sempre salientamos que debe haber coherencia entre a política externa e interna na Unión Europea.”
Os deputados/as europeos que tomaron a palabra esta mañá amosaron a súa publicación sobre a situación dos presos/as e os seus familiares, pero alertaron de que obviamente non poden facer calquera conclusión con antelación: “En primeiro lugar, imos reunir toda a información e máis tarde, e en base a iso elaborarase a conclusión final do informe”, concluiu Zimmer.
