Se queres consultar o noso programa electoral completo para os comicios europeos do 26 de maio do 2019, podes facelo, clicando AQUÍ.
E se prefires acceder á versión resumida das principais liñas estratéxicas do programa electoral, podes clicar AQUÍ.
O 26 de maio, xogámonos #ANosaVozEnEuropa
Por unha UE na que os dereitos das persoas vaian sempre por riba dos intereses do capital, #VotaLídiaSenra #EnMarea #CompromisoPorEuropa
Estímase que o 80% das decisións políticas que nos afectan cada día tómanse nas institucións europeas. Por iso, participar e votar o próximo 26 de maio para elixir aos membros do Parlameto Europeo é importante.
Estamos nun mundo onde xa non existe o concepto política internacional porque a perda de soberanías fai que noutros lugares, e tutelados polas grandes corporacións, se decidan cousas que afectan ás galegas e aos galegos. A Unión Europea está nun proceso de autodestrución democrática e social que hai que parar. As políticas de axuste cos países do sur e os sectores máis vulnerables propiciaron unha crise democrática, un sufrimento para as poboacións e un auxe do populismo, especialmente perigoso no caso da extrema dereita.
Presentamos aquí un resumo das principais liñas do noso programa.
IGUALDADE
–Potenciar e promover a incorporación e a participación das mulleres en pé de igualdade en todos os ámbitos.
–Poñer fin á fenda salarial e de xénero.
–Implementar a titularidade compartida nas granxas familiares.
–Avanzar nas medidas para poñer fin á violencia machista.
SERVIZOS PÚBLICOS E DE CALIDADE EN TODO O TERRITORIO
–Sanidade.
–Ensino.
–Servizos sociais.
–Dependencia e coidados.
–Transporte.
–Correos e acceso a redes de banda ancha.
REPARTO DA RIQUEZA: COMBATER A POBREZA
–Salarios decentes e pensións públicas e dignas.
–Prezos agrícolas remuneradores.
–Reparto xusto das axudas da Política Agrícola Común (PAC).
–Reparto do tempo de traballo, sen reducións salariais.
–Renda básica universal.
–Dereito de todas as persoas a vivenda, enerxía, auga e alimentos.
–Auditoría da débeda pública.
–Impostos: Reforma fiscal para que paguen máis as empresas financeiras, os altos ingresos, as grandes tecnolóxicas e os grandes patrimonios. Supresión dos paraísos fiscais europeos.
CAMBIO CLIMÁTICO
–Modo de produción alternativo, no marco dun desenvolvemento sostible.
–Redución da produción, do consumo e dos residuos.
–Transición enerxética e redución do consumo de enerxía.
–Defensa da terra, dos océanos e dos ríos fronte á minaría, a contaminación e os macrovertedoiros.
–Estratexia forestal europea que impida os monocultivos e desenvolva os bosques autóctonos, mantendo a biodiversidade e protexendo as augas.
SAÚDE
–Medidas para impedir conflitos de intereses e garantir transparencia na Axencia Europea do Medicamento e na Axencia Europea de Seguridade Alimentaria.
–Aplicación real do Principio de Precaución nas autorizacións de pesticidas e substancias químicas. –Prohibición do glifosato.
–Efectivizar a prohibición dos disruptores endocrinos en cosméticos, xoguetes e envases de alimentos antes de xuño do 2020.
–Impulsar empresas farmacéuticas públicas para garantir o acceso unviersal aos medicamentos, evitando que os sistemas públicos de saúde poidan ser reféns de intereses privados.
EMPREGO
–Plan europeo de investimentos para a creación de emprego en actividades sociais e ecoloxicamente útiles.
–Potenciación da agricultura labrega en base á agroecoloxía.
–Políticas axeitadas á pesca artesanal e de pequena escala.
–Apoio e desenvolvemento das pequenas e medianas empresas.
–Priorización do comercio e dos mercados locais e de proximidade fronte aos acordos internacionais de libre comercio. Paralización do TTIP, TiSa, CETA, etc.
CONSTRUÍR A PAZ
–A militarización e a industria armamentística non poden ser unha prioridade no Mecanismo Financeiro Plurianual. A UE e os Estados membros deben poñer fin a calquera tipo de intervención militar.
–A salvagarda dos dereitos humanos, políticos, civís, e a liberdade de expresión deben estar sempre por riba de calquera outro interese.
–Ningunha persoa é ilegal. Reclamamos políticas migratorias cinguidas ao marco dos dereitos humanos e que se poña fin á criminalización das persoas migrantes e á espoliación dos recursos naturais dos pobos en desenvolvemento.
Recoñecemento da lingua galega como idioma oficial no Parlamento Europeo e protección do noso patrimonio cultural.
