Santiago de Compostela, 20 Novembro 2015. Representantes de organizacións políticas da esquerda europea como o Sinn Féin ou Die Linke alemán, así como investigadoras especializadas en políticas económicas alternativas e no análise das consecuencias sociais das medidas de austeridade, exporán mañá, sábado 21, en Santiago de Compostela as claves de análise da “ditadura do euro”, así como as estratexias para facerlle fronte aos intereses do Capital.
O evento será na Facultade de Filosofía (Praza de Mazarelos), no marco das xornadas “A Esquerda Europea. Garante dos dereitos das persoas fronte ás políticas de austeridade”[1], organizadas polo Grupo Confederal da Esquerda Unitaria Europea/Esquerda Verde Nórdica (GUE/NGL) -onde Alternativa Galega de Esquerda (AGEe) está integrada a nivel do Parlamento Europeo-, e contarán con Lídia Senra, eurodeputada por AGEe, como anfitrioa do acto.
O obxectivo das xornadas é poñer en debate e someter a análise as políticas económicas que o neoliberalismo está a aplicar coa escusa da crise, debullando o que realmente se agocha detrás das medidas de “austeridade” e poñendo enriba da mesa os eixos que garanten a defensa dos dereitos das persoas por diante dos intereses do Capital.
Esta iniciativa posibilitará poder escoitar na capital galega as teorías de representantes do Sinn Féin irlándés, do Die Linke alemán, así como o Portavoz Nacional de Anova-IN e Portavoz de AGE no Parlamento Galego, Xosé Manuel Beiras. Tamén intervirán expertas en políticas economía crítica e alternativas económicas como o Doutor en Historia e Membro da Asociación Expai Marx, Joan Tafalla; o profesor de economía Ramón Franquesa e a Doutora en Economía e activista feminista, Yolanda Jubeto.
*Habilitarase na Facultade de Filosofía unha área con servizo de gardería
“A Esquerda Europea. Garante dos dereitos das persoas fronte ás políticas de austeridade”
Facultade de Filosofía de Santiago de Compostela, 21 de novembro de 2015
Programa
10:00h.- Recepción dos/as participantes e apertura das xornadas por Lídia Senra Rodríguez, Deputada no Parlamento Europeo por AGEe e membro do GUE/NGL.
10:30 h.- As políticas de austeridade e a ditadura do euro.
- Joan Tafalla. Membro da Asociación Expai Marx e da Plataforma Saír do Euro.
- Daithí Doolan. Concelleiro do Sinn Féin en Dublín (Irlanda).
- Ramón Franquesa. Profesor de Economía na Universidade de Barcelona.
Introdución e moderación: Antón Sánchez García. Deputado no Parlamento Galego por AGE.
12:00 h.- Descanso
12:30 h.- Presentación do documental “O máis grande éxito do euro”
12.50 h.- Debate
14:00 h.- Fin da xornada de mañá.
16:00 h.- Que propostas dende a esquerda para poñer os dereitos das persoas no centro das políticas da Unión Europea?.
- Yolanda Jubeto. Doutora en Economía pola Universidade do País Vasco e activista feminista.
- Fabio De Masi, Deputado no Parlamento Europeo polo Die Linke (Alemania).
- Yiannis Tolios. Membro do Consello Político de Unidade Popular de Grecia e Director do Centro de Investigación Marxista MAXOME.
- Joana Mortagua. Deputada do Bloco de Esquerdas en Portugal.
- Xosé Manuel Beiras. Portavoz Nacional de Anova-IN e Portavoz de AGE no Parlamento Galego.
Introdución e moderación: Lídia Senra Rodríguez.
17:30 h.- Debate.
19:00 h.- Fin da xornada
__________
