- Estivo hoxe pola mañá en Mondoñedo, participando na concentración convocada polos colectivos de pensionistas en defensa das pensións públicas e dignas
- A eurodeputada e candidata ao 26M di que as Administracións teñen que facer que as pensións non dependan da capacidade de aforro de cada persoa
CORTE AUDIO DECLARACIÓNS DE LUÍS VILLARES, LÍDIA SENRA E CHUS AMIEIRO, HOXE EN MONDOÑEDO
Mondoedo, 16 de maio de 2019. A eurodeputada Lídia Senra, candidata de En Marea: Compromiso por Europas ás eleccións europeas do 26 de maio, estivo este xoves pola mañá en Mondoñedo, acompañando a concentración de pensionistas, xunto ao voceiro de En Marea, Luís Villares, e a candidata de Marea Mondoñedo á Alcaldía, Chus Amieiro.
En declaracións aos medios, Senra defendeu a necesidade de que se retire o Produto Paneuropeo de Pensións Individuais (PEPP), aprobado polo Parlamento Europeo neste mandato, e que se impulsen desde as Administracións públicas medidas que permitan blindar os sistemas públicos de pensións e as pensións dignas. “As pensións non poden depender da capidade de aforro que teña cada persoa”, defendeu a europarlamentaria e candidata á reelección.
Así, comprometeuse a seguir traballando para que as persoas non entren na pobreza unha vez que remata a súa vida laboral.
