Bruxelas, 21 de Xuño de 2018. A eurodeputada galega Lídia Senra e a eurodeputada laborista Julie Ward remitiron onte unha carta ao presidente do Parlamento Europeo, Antonio Tajani, para expresar a súa preocupación pola presenza hoxe no PE da Ministra de Asuntos Exteriores da India, Sushma Swaraj, con motivo do Día Internacional do Ioga.
Durante o actual período do Parlamento Europeo, lembraron, foron dirixidas á Comisión Europea alomenos dúas preguntas escritas interesándose pola posición da UE nos casos de represión contra persoas defensoras dos dereitos humanos na India, destacando a situación do profesor universitario GN Saibaba. Cunha discapacidade física do 90%, agravada nos últimos meses por unha pancreatitis aguda, Saibaba foi condenado cadena perpetua por amosar publicamente o seu apoio aos dereitos dos pobos Adivasis e Dalits e á súa crítica á estratexia gubernamental de contrainsurxencia “Operación Cacería Verde”.
As propias respostas dadas pola Vicepresidenta Mogherini no nome da Comisión Europea a estas preguntas confirman que a UE está seguindo de perto os casos de persoas defensoras de dereitos humanos arrestadas en la India. A Delegación da UE en Nova Delhi tamén ten feito chamamentos por motivos humanitarios diante da Comisión Nacional de Dereitos Humanos. Nesta situación, as eurodeputadas Senra e Ward recomendaron ao Presidente Tajani cancelar a intervención da Ministra india Sushma Swaraj no Parlamento Europeo.
Finalmente a xornada conmemorativa do Día Internacional do Ioga no PE tivo lugar contando ca participación da Ministra Sushma Swaraj, pero non do Presidente do Parlamento, Antonio Tajani, como si estaba anunciado inicialmente.
